засука

Значење на засука:

1. Почне да сука тесто. Таа засука кори за баница.

2. За конец, за жица и сл. – уврти повеќе конци, жици и сл. во едно. Таа го засука малку конецот пред да го вдене во иглата.

3. За мустаќи – свитка, завитка. Старецот ги засука мустаќите и погледна во нас.

4. Подигне, подвитка, заврати дел од облеката. Жената ги засука ракавите и почна да мие садови.

Коњугација: засукаат.

Изведени зборови:

• се ~ засука, Заврати себеси дел од облеката. Тој се засука до коленици и влезе во вода.
• (се) засукува, глаг. несв. (се) засукуваат--(се) засучува, (се) засучуваат

Фразеолошки израз / поговорка:

Ги засука ракавите – се фати за работа.