затвори

Значење на затвори:

1. Направи да не може да се излезе од (или да се влезе во) некаква просторија или заграден простор, да не може да се помине; отвори. Затвори врата. Затвори порта. Затвори прозорец.

2. Препречи, спречи, забрани движење, минување; отвори. Затвори пат. Затвори улица. Затвори граница.

3. а) Стави капак, затворач на нешто, поклопи; отвори. Затвори кутија. Затвори сад. Затвори куфер. б) Состави, склопи нешто отворено, расклопено, раширено. Затвори книга. Затвори чадор. Затвори уста. Затвори очи.

4. а) Запре, оневозможи движење, минување на нешто со помош на некаква направа. Затвори вода. Затвори плин. Затвори славина. б) (разг.) Спречи да работи, исклучи (апарат). Затвори радио. Затвори телевизор.

5. Смести во некаква просторија, во ограден простор, ограничи движење. Ги затворила децата в соба. Затвори ја птицата во кафезот.

6. Лиши од слобода, уапси некого. Го затвориле поради кражба.

7. а) Престане да работи по работното време или засекогаш. Продавниците ќе затворат по еден час. Додека да појдеме, ќе затвори чаршијата. Фабриката за мебел ја затвориле. б) Означи крај на седница, состанок, расправа и сл. Претседателот ја затвори седницата.

Коњугација: затворат.

Изведени зборови:

• затворање, глаг. им. ср.
• (се) затвора, глаг. несв. (се) затвораат
• се ~ затвори, 1. Се склопи (книга, очи). 2. Не излезе некое време надвор, не се покаже во јавност. Се затворив неколку дена и нигде не излегов, само учев. 3. Се повлече во себе. Од некое време се затвори, со никого не разговара. 4. За рана – зарасте. Брзо му се затвори раната.

Фразеолошки израз / поговорка:

Затвори уста (некому) – го замолче (со факти, докази и сл.). Затвори врата (некому) – не го прими, не сака да го ислуша. Затвори очи – се направи дека не видел. Око не затвори – не заспа (долго време). Затвори куќа (некому) – упропасти, запусти некого.