жилав

Значење на жилав:

1. Што има жили, што е со истакнати, нагласени жили. Грст земја од родниот крај во неговата жилава рака му ја враќа силата и надежта.

2. Што е мускулест, што има развиени мускули. Таа разговараше со еден крупен и жилав русокос човек.

3. Што е растеглив, еластичен; што е отпорен на кинење. Месото беше жилаво. Газевме по густата и жилава планинска трева.

4. (прен.) Што е здрав, издржлив. Тој е жилав човек.

5. Што е упорен, енергичен, силен. Непријателот даваше жилав отпор.

Членувана форма: жилавиот.

Изведени зборови:

• жилаво, прил. Се држиме жилаво. Тие жилаво се бореа.