расцари | св.

Собори цар од престол. Бунтовниците го расцарија и му го уништија семејството.

шваргла | ж.

Сувомесен производ, еден вид колбас. Чадени шваргли. Банатска шваргла.

шугарец | м.

Паразит што предизвикува шуга кај луѓе и кај животни; Sarcoptes scabiei. Шугарците се пренесуваат од животно на човек и од едно животно на друго.

дојарка | ж.

шармира | св. и несв.

Занесе, занесува, привлече, привлекува, се допадне, се допаѓа некому; употреби, употребува сопствен шарм за да постигне нешто. Таа ги шармира момчињата во класот. Тој ги шармира родителите на девојката. Неговиот настап ја шармираше публиката.

кокарда | ж.

Метална значка на службена шапка.

паничар | м.

Тој што лесно се избезумува од страв.

матарка | ж.

Метален сад (војнички или туристички) за вода што обично се носи при патување.

папучар | м.

Маж што покажува слепа послушност кон сопругата.

ракијар | м.

Производител на ракија или трговец со ракија. Најпознатите ракијари се од Кавадаречко.