вепар | м.

Машка дива свиња.

монах | м.

Лице што се откажало од световниот живот и се посветило на религиозна служба; калуѓер. Монахот се повлече во ќелијата. Монасите се посветувале на молитви и искушенија.

балта | ж.

кварт | м.

Дел од градот, градска четврт, реон. Таа живее во новиот кварт од градот.

венча | св.

Склучи брак, изврши чин, обред на стапување во брак. Попе, ти нас ќе нè венчаш.

рунда | ж.

(спорт.) Во боксот ‒ определено време за еден дел од борбата. Нашиот боксер победи во втората рунда со нокаут.

мега- | претс.

Како прв дел од сложени зборови со значење: а) Голем, силен: мегафон и сл.; б) Милион пати поголем од мерната единица што е втор дел на зборот: мегабајт, мегават, мегатон, мегахерц и др.

бајче | ср.

Детски назив за јагне. Бело бајче. Рипкаат бајчиња.

балон ² | м.

Голем стаклен сад за течност (обично оплетен со прачки). Држеше в раце балон од десетина литри. Од искршените балони се цедеше вино.

руина | ж.

Остаток од тоа што пропаднало, што се урнало, што се растурило; урнатина. По бомбардирањето, од градот останаа само руини.