Резултати за пребарувањето: лен

возлен | прид.

Што е лут, гневен. Возлен глас.

околен | прид.

Што е во околината, ближен, соседен. Околни села. Околни планини. Околни куќи.

аголен | прид.

Што се наоѓа на агол. Аголна гарнитура за седење. Аголно масиче. Аголен плакар.

кленов | прид.

Што се однесува на клен1. Кленова фиданка.

омилен | прид.

Што е сакан, допадлив, популарен. Омилена песна. Омилено јадење. Тој беше омилен меѓу своите другари.

гоблен | м.

Уметничка ракотворба, ткаена или везена слика што се користи како декорација на ѕидовите. Таа цела година го везеше гобленот „Тајната вечера“.

обилен | прид.

Што го има во големо количество, во изобилство. Обилна храна. Обилна жетва. Обилен дожд.

обелен | прид.

За човек – што има бела коса; обели 4. Обелен старец.

овален | прид.

Што има форма на јајце, што е јајчест, елипсовиден. Овална маса. Овална форма.

опален 1 | прид.

Што се однесува на опал. Опални прстени.