квачка | ж.
Кокошка што квачи јајца и се грижи за пилињата. Крај буништето си преташе една квачка со пилиња.
Квебек | м.
Провинција во Канада.
квекер | м.
Припадник на протестантска секта во Англија и Северна Америка.
квестионар | м.
Збир на прашања или прашања и одговори од различни области, прашалник.
квечер | прил.
Непосредно пред вечер, пред самрак. Квечер ќе дојдам кај тебе.
квечерен | прид.
Што се случува во квечерина. Квечерен ветрец. Квечерни сенки.
квечерина | ж.
Време при крајот на денот, пред паѓање на самрак. Квечерината беше пријатна, иако на небото брзаа натежнати облаци.
квечерка | ж.
Вид трева што навечер, во квечерина шири опоен мирис.
квечерум | прил.
Тој ми рече дека квечерум ќе дојде кај мене.
квиз | м.
Натпревар во знаење. Телевизиски квиз. Часовите организирани во вид на квиз побудуваат голем интерес кај учениците.
