гуна | ж.
Селска топла горна облека сошиена од шајак. Нашиот селски терзија шиеше селски гуни, џамадани, бечви и др.
гунак | м.
Вид гуна.
гурабија | ж.
Ситно колаче направено од брашно, јајца, шеќер, масло, ореви и др.
гурбет | м.
Одење во туѓа земја за да се заработат пари; печалба. Селаните беа принудени да одат на гурбет поради сиромаштијата.
гурбетлак | м.
Занимавање со гурбет; печалбарство. Цел живот одеше на гурбетлак.
гурбетува | несв.
Работи во туѓа земја. Десет години гурбетуваше.
гурбетчиство | ср.
Гурбет, одење на гурбет.
гурбетчија | м.
Човек што оди на гурбет; печалбар. Помина есента, заминаа гурбетчиите.
гурелав | прид.
Што е со гурелки. Гурелаво дете.
гурелави | несв.
Добива, му се прават гурелки. Настина и очите почнаа да му гурелават.
