интермедиумски | прид.
Што претставува спој меѓу изразните облици на два или повеќе медиуми.
интермецо | ср.
Мала комична игра што се изведува меѓу чиновите на главната претстава.
интернат | м.
Установа, дом каде што се сместуваат ученици под постојан надзор на воспитувачи. Се спријателија во интернатот на вишата гимназија.
интернација | ж.
Протерување сосила од местото на живеење; интернирање.
интернацинализам 1 | м.
Социјално-политичка доктрина што се стреми кон меѓународна солидарност, рамноправност и спогодување, против сите национални, расни, класни и верски предрасуди.
интернационала | ж.
Меѓународна политичка и идеолошка организација на работничката класа (на работничките, социјалистичките и комунистичките партии). Прва интернационала. Социјалистичка интернационала.
интернационален | прид.
Што се однесува на сите или на повеќе народи и држави, што е општ и што важи за сите или за повеќето од нив; меѓународен. Интернационална лексика. Интернационален збор.
интернационализам 2 | м.
Збор што се употребува (во иста или во слична форма) во многу јазици; меѓународен збор. Најширока употреба имаат интернационализмите од општествено-политичката терминологија.
интернационализира | св. и несв.
Направи, прави нешто да стане интернационално; му даде, дава на нешто или некому меѓународен карактер.
интернационалист | м.
Приврзаник на интернационализмот. Тој е хуманист и интернационалист, борец за рамноправност, за национална и социјална правда.
