ирационализам | м.
Идеалистичко сфаќање според кое е невозможно светот и животот да се спознаат со разум, туку само преку интуицијата, инстинктот и чувството.
ирвас | м.
Вид северен елен; Rangifer tarandus.
иреален | прид.
Што не постои во стварноста, нестварен, нереален. Живееше некаков иреален живот кој немаше врска со стварноста.
иредента | зам.
иредентизам | м.
Движење и тенденција на националните малцинства да се присоединат кон земјата матица заедно со териториите каде што живеат во друга земја; иредента.
иредентист | м.
Приврзаник на иредентизмот.
ирелевантен | прид.
Што нема важност, безначаен, спореден. Тоа е ирелевантен фактор за мене.
иригатор | м.
Сад со гумена цевка што служи за измивање на внатрешни органи на телото.
иригација | ж.
Наводнување на обработливата земја заради поголема плодност со помош на систем од канали.
иригационен | прид.
Што се однесува на иригација. Иригационен систем.
