иззабради | св.
Забради многу, премногу. Таа го иззабради детето и го пушти на улица.
иззавитка | св.
Завитка добро, без можност да се одвие, завитка целосно, завитка сè со ред. Ги иззавитка кристалните чаши и ги нареди во кутијата. Ги иззавитка подароците и ги нареди под елката. Ги иззавитка децата добро, да не настинат.
иззаврзе | св.
Заврзе сè, до крај, без остаток. Ги иззаврзаа доматите на колци уште изутрина.
иззагине | св.
Изгине многумина, сите. Ќе иззагинеме сите на оваа чистина.
иззагради | св.
Загради сè, до крај, целосно. Иззагради како да ќе го грабне некој.
иззакачи | св.
Закачи сè, со ред. Ги иззакачија сите лампиони на елката.
иззаклучи | св.
Заклучи сè, со ред. Ги иззаклучи сите врати пред да оди на работа.
иззакопа | св.
Закопа сè, до последно. Ја иззакопаа сета покуќнина што можеше да се закопа пред да заминат од дома.
иззакрпи | св.
Закрпи сè, до крај. Иззакрпи сè што беше скинато.
иззалепи | св.
Залепи сè, залепи цела површина. Ги иззалепи сите сликички во албумот.
