изнагрди | св.
Нагрди во голема мера, многу. Измачувањата ги изнагрдија нивните тела.
изнагрее | св.
Се изгрее, се стопли многу, доволно; 2; нагрее... Во планинарскиот дом се изнагреавме пред да тргнеме кон врвот.
изнагризе | св.
Нагризе повеќе нешта одеднаш, истовремено. Детето ги изнагризало сите јаболка.
изнаѓубри | св.
Наѓубри многу, доволно. Ја изнаѓубри нивата добро уште есеноска.
изнададе | св.
Даде многу некому или на повеќемина, истовремено, одеднаш. Ги изнададе сите покани.
изнаделка | св.
Наделка многу, во голема количина. Изнаделка греди за новата куќа.
изнадише се | св.
Се надише многу, доволно. Се изнадиша свеж планински воздух.
изнадиши се | св.
изнадојде | св.
Дојде, надојде во голем број. Изнадојдоа пазарџии од сите страни.
изнадраска | св.
Издраска многу, во голема мера. Мачката го изнадраскала детето.
