изнаполни | св.
Наполни многу, наполни сè што било за полнење. Момите изнаполнија вода во стомните и тргнаа за дома. Ги изнаполнија амбарите со жито.
изнаправи | св.
Направи многу нешта, многу работи. Во куќата тој изнаправи сè сам, без никој да му помогне. Птиците ги изнаправија седалата. Тој изнаправи многу лоши работи.
изнапраша се | св.
Праша за многу работи, постави многу прашања. Не можеше да се изнапраша за роднините во татковината.
изнапраши се | св.
Се направи со прав во голема мера, се напраши многу. Се изнапрашивме по тие селски калдрми.
изнапреде | св.
Испреде многу, напреде во голема количина. Изнапреде волна за килими и јамболлии.
изнаприкаже | св.
Прикаже, наприкаже многу, во голема мера. Тој изнаприкажа многу работи за таа далечна земја каде што престојувал.
изнаработи се | св.
Се наработи многу, во голема мера. Денеска добро се изнаработивме.
изнараѓа | св.
Откога се премажи, таа изнараѓа едно чудо деца.
изнарадува се | св.
Се израдува, се нарадува многу на нешто. Старите многу му се изнарадуваа на внучето. Тие се изнарадуваа со децата, со нивната весела смеа.
изнарече | св.
Рече многу работи, во еден здив. Таа во лутината изнарече многу глупости.
