цирка | несв.
За вода ‒ тече слабо, по малку. Низ браздата циркаше вода.
цирка | ж.
Вид суптропско листопадно овошно растение со трнливи гранки, долги јајчести листови, ситни жолти цветови и мали овални плодови со тенка кафеава лушпа; сирка; Zizyphus jujuba L. Цирката има коскести плодови.
циркли | и.
Шестар и друг прибор за цртање. Кутија со циркли.
циркон | м.
Скапоцен камен во различни бои со силен, дијамантски сјај. Прстен со циркон.
циркулар 1 | м.
Умножено писмо, распис што се праќа до организациони единици, поединци и сл.; Циркуларот беше пратен до сите вработени.
циркулар 2 | м.
Кружна пила за сечење дрва. Го расипа циркуларот.
циркуларен 1 | прид.
Што се однесува на циркулар1. Циркуларно писмо.
циркуларен 2 | прид.
Што се однесува на циркулар2. Циркуларен нож.
циркулација | ж.
Кружно движење, кружење. Циркулација на крвта. Циркулација на воздухот.
циркулира | св. и несв.
Се движи во круг, кружи. Топлиот воздух циркулира во садот.
