дуња 1 | ж.
Вид ниско овошно дрво со крупни, жолти и мирисливи плодови; Cydonia oblonga. Прачка од дуња. Надвор цутеа дуњи.
дуња 2 | ж.
Земја, свет, народ. Сокол е тој, на дуњата што го нема. Да видиме до каде ќе ја доведеме дуњава.
дуњица | ж.
Вид трева што се среќава на ливадите и пасиштата и дава добра паша. Дуњицата е медоносна трева.
дуќан | м.
Мала, занаетчиска работилница што служи и како продавница за сопствените производи. Стариот кондураџиски дуќан сѐ уште работи. Држи терзиски дуќан.
дуќанлак | м.
Трговија. Се занимава со дуќанлак.
дуќанџилак | м.
дуќанџија | м.
Лице што има дуќан или што продава во дуќан. Богат дуќанџија. Група дуќанџии.
