деловоден | прид.
Што е службено запишан. Деловодна книга.
деловодител | м.
Лице што води службени книги и документи. Општински деловодител.
делокруг | м.
Подрачје на некоја дејност.
делотворен | прид.
Што предизвикува добро дејство; успешен, ефикасен. Делотворна работа. Делотворна функција. Делотворно влијание. Делотворни сили.
делта | ж.
(само едн.) Четвртата буква од грчката азбука.
делтоид | м.
Четириаголник составен од два рамнокраки триаголника со различна висина и со иста, заедничка основа.
делтоиден | прид.
Што се однесува на делтоид, што има форма на делтоид.
делувиум | м.
Нанос во подножјето на падини што настанал со миење на ситни честици земја и камења. Смолничав делувиум.
делум | прил.
делумен | прид.
Што опфаќа само еден дел, што не е целосен. Делумен извештај. Делумна анализа. Делумна или целосна информација. Делумно задоволство.
