еглендисува | несв.

Разговара, муабети; се разонодува.

егленџе | ср.

Слободен разговор, муабетење; забава, разонода.

его | ср.

Сето тоа што ја прави мојата личност, моето – јас; самосвест за себе. Според Фројд, еден од трите дела на човечката психа (покрај ид и суперего). Тој имаше многу силно его.

егоизам | м.

Себичност, саможивост; поставување на своите интереси над сите други. Кај нив се разви егоизам и љубомора.

егоист | зам.

Саможивник, себичен човек; Поголем егоист од него не сум сретнал во животот. Доволно е да се биде егоист и да се заборави татковината.

егоистичен | прид.

Што има особини на егоист; себичен, саможив. Постапно се развиваше во егоистичен монструм. На крајот остана само егоистичната стара девојка, сепак презадоволна со себе.

егоистички | прил.

Себично, саможиво. Размислуваше егоистички.

егоцентризам | м.

Силно изразен егоизам, при што на преден план се ставаат сопствените интереси и сопствената личност.

егоцентричен | прид.

Што се одликува со егоцентризам, што е насочен кон своето его. Беше повлечен од егоцентрична грижа да се остане подалеку од настаните.

егумен | м.