кечап | м.
Вид доматен сос.
кече | ср.
Бела машка капа од валана волна, во вид на полутопка, дел од албанската носија; Старецот на главата носеше бело кече.
кеш | м.
Готовина; готови пари, во пари. Жената плати во кеш. Исплата во кеш.
кеј | м.
Соѕидан брег на регулирана река со шеталиште. По кејот на реката имаше клупи во сенките на дрвјата. Секоја вечер шетаа по кејот на Вардар.
Кејптаун | м.
Град во Јужноафриканска Република.
кељ | м.
Двогодишно растение што се употребува како зеленчук во исхраната, вид зелкова култура; Brassica oleracea sabauda.
кибар | прид.
Што е отмен, елегантен, уреден, педантен; што е достоинствен, горд. Кај е за него оваа куќа домаќинска и вакво кибар девојче.
кибарен | прид.
Каква кибарна жена; не знаеш дали е повеќе чистотна или кротка. Кибарна куќа.
кибарски | прид.
Како прид. Што се однесува на кибар.
кибернетика | ж.
Наука за општите принципи и законитости во процесот на управување, пренос, обработка и чување на информации во машините, живите организми и во економските системи.
