Кизангани | ср.
Град во ДР Конго.
кика | ж.
Сплетено или врзано перче коса. Секогаш ја гледа како малечко девојче, со мали кики и голема панделка на главата.
кикбокс | м.
Вид бокс во кој се дозволени и удари со нозете.
ки-ки-ки! | изв.
За имитирање на гласна смеа, кикот. Ки, ки, ки! – се смее таа и кикотот ги зафати сите девојчиња.
кикирига | несв.
кикирика | ж.
кикиритка | ж.
Едногодишно, ниско растение, чии мешункасти плодови со семки, богати со масло, растат под земја; плодот и семките на тоа растение; Arachis hypogaea. Собата се исполни со миризба на печени кикиритки.
кикиришка | ж.
Месест, црвен и назабен израсток на глава на кокошка, петел, мисирка и сл. Петлето имаше бело тенко клунче, а на главата црвена кикиришка.
киклоп | м.
(мит.) Во грчката митологија – џин со едно око на средината од челото.
кикот | м.
Гласна, ѕвонлива, несопирлива смеа; кикотење. Тој гласно се насмеа и кикотот ја исполни собата. Во полумракот околу мене чув кикот.
