класи | несв.

Развива, создава клас. Житото почна да класи.

класик | м.

Општопризнат творец во областа на литературата, науката или уметноста што создал значајни дела. Најдобрите дела на светските писатели, класици и современици се преведени на македонски јазик.

класика | ж.

Уметнички или научни општопризнати дела што претставуваат траен придонес во уметноста или културата воопшто; такви дела во старогрчката и римската уметност и култура.

класина | ж.

Слама од 'рж.

класинка | ж.

Изронет пченкарен клас;

класира | св. и несв.

Распредели, распределува по класи според определен критериум. Неговите ликови ги класираме во две групи. Производите ги класираа според нивниот квалитет.

класификационен | прид.

Што се однесува на класификација; класификациски. Класификациони групи. Класификациона постапка.

класификација | ж.

Распределување на предмети, појави и поими по класи, групи според определени критериуми (според својствата, степенот на вредност и сл.). Во славистичката наука има повеќе обиди за класификација на книжевните споменици. Еден принцип е таканаречената ботаничка класификација, според која плевелите се групирани во класи, редови, фамилии итн.

класификува | св. и несв.

Распредели, распределува нешто во класи, групи според определени својства, степен на вредност и сл. Нашите производи тој ги класификува како производи од трета класа. Тие ги класификуваа натпреварувачите според нивните постигнати резултати.

класифицира | св. и несв.