кондак | м.
Куса црковна пофална песна. Во црквата се пееја кондаци за божјите угодници.
кондар | м.
Долг стап што на едниот крај завршува во форма на чатал. Се црвенееја јаболка закачени на кондари.
кондензат | м.
Кондензирана материја; производ на кондензација.
кондензатор | м.
(физ.) Апарат за кондензација на пареа и на гасови.
кондензација | ж.
Згуснување, збивање. Кондензација на исказот.
кондензира | св. и несв.
Згусне, згуснува; собере, собира.
кондил | м.
Вид писалка за школска плоча. Пишуваше со кондилот на таблицата.
кондир | м.
Поголем сад за вино, ракија и сл. Да ме чекаш со кондир со вино црвено!
кондиса | св.
Остане во некое место извесно време на конак; отседне.
кондиционал | м.
Условен глаголски начин кој го покажува условот за вршење на глаголското дејство на главната реченица (на пр. Ако не врне, ќе дојдам.).
