конвулзија | ж.
Грч, грчење. Во животот имаше многу конвулзии.
конгенијален | прид.
Што е на иста духовна или умствена висина; духовно сроден. Конгенијални умови.
конгломерат | м.
(геол.) Нехомогена карпа или рудна наслојка составена од повеќе минерали. Скаменет конгломерат.
Конго (ДР) | ср.
Држава во Африка, поранешен Заир.
Конго (Република) | ср.
Држава во Африка.
конгрегација | ж.
Здружение на црковни општини на католичката црква; братство.
конгрес | м.
Собир на луѓе со еднакви научни или професионални интереси за решавање на актуелни прашања; конференција. Конгрес на археолозите.
конгресен | прид.
Што се однесува на конгрес. Конгресни материјали. Конгресна сала.
конгруентен | прид.
Што е согласен, еднаков, соодветен; што се поклопува.
конгруенција | ж.
Согласување меѓу зборовите што се во синтаксичка врска. Конгруенција меѓу подметот и прирокот.
