камерен | прид.

Музика што се изведува во мала просторија, пред мал број слушатели, со помалку инструменти и гласови. Камерна музика.

камерман | м.

Филмски или телевизиски снимател. Камерманот не можеше да го фати со камерата изразот на нејзиното лице.

камертон | м.

Тон според кој се штимаат музичките инструменти, утврдена висина на тонот.

Камерун | м.

Држава во Африка.

камењар | м.

Каменита почва, каменито место. Никому не му паѓаше напамет во камењарот да откопува змии.

камењарка | ж.

каменарка 2. По камењарот лете пишти змија камењарка.

камењарник | м.

камење | и.

Збирна множина од камен.

камикаѕе | м.

(истор.) Во Втората светска војна – јапонски пилот самоубиец, што го жртвувал својот живот, уривајќи се со својот авион (торпедо) полн со експлозив врз непријателски брод.

камила | ж.

Пустинско животно, копитар со една или две грпки што служи за јавање и за пренос на товар; Camelus. Низ пустината врвеше караван со камили.