натпее | св.

Во пеење надмине некого со подобар, со посилен глас. Имаше чудесен глас, никој не можеше да ја натпее.

натпива | несв.

натпие | св.

Испие повеќе од друг, надмине некого во пиење.

натпис | м.

Кус текст со различна содржина, истакнат на јавно место (на ѕид, на споменик, на табла и сл.). Надгробен натпис. Натпис на камен.

натпише | св.

Направи, напише натпис врз нешто.

натплати | св.

Плати повеќе отколку што треба, од сметката, од цената. Ќе платам и ќе натплатам само да го земам.

натплаќа | несв.

натплете | св.

Сплете повеќе отколку што било потребно.

натплива | св.

Во пливање престигне, победи.

натпревар | м.

(спорт.) Натпреварување, спортска борба меѓу двајца или меѓу две екипи. Натпревари во атлетика. Фудбалски натпревар. Првенствен натпревар. Пријателски натпревар.