одјури | св.

Избега, истрча. Уште не докажа, децата одјурија надвор. Одјури со стариот автомобил и зад себе остави облак од чад и прав.

одљуби | св.

Престане да чувствува љубов, да сака некого; Поради пиењето таа го одљуби сопругот.

ожали | св.

ождреби | св.

За кобила – донесе на свет ждребе. Кобилата ождреби две ждребиња.

ожебави | св.

Стане набран, збрчкан. Ожебави и во лицето и во снагата.

ожег | м.

Железна прачка извиткана на крајот за распретување оган, жар. Стар ожег. Исчаден ожег. Огнот изгасна, па го зеде ожегот за да го распали.

ожедни | св.

Почувствува жед. Побара вода, ожеднал. Коњите ожеднаа, па ги однесоа на поило.

ожени | св.

Најде некому жена, овозможи, направи сè за да може маж да стапи во брак. Тој го ожени синот.

ожесточен | прид.

Жесток, суров, безмилосен. Ожесточена битка.

ожесточи | св.

Доведе некого или нешто до состојба на жестокост, суровост, безмилосност. Некој отстрана дофрли нешто и ја ожесточи расправата.