панкер | м.

Изведувач на панк-музика.

панкреас | м.

Голема продолжена жлезда во стомачната празнина зад желудникот која лачи панкреасен сок.

панкреасен | прид.

Само во изразот: панкреасен сок ‒ течност што ја лачи панкреасот составена од многубројни ферменти, хормони и др.

пано | ср.

Врамена површина на која се изложуваат цртежи, слики, фотографии и сл. или поголема површина што служи како табла за рекламирање. Ѕидно пано. Поголем број паноа го исполнуваат изложбениот простор. Пано со реклама за козметички производи.

Панонија | ж.

Историска област во Средна Европа.

паноптикум | м.

Музеј во кој се изложени восочни фигури на знаменити личности и на ретки предмети.

панорама | ж.

Широка глетка на околината што се открива од некоја височина. Панорама на градот. Есенска панорама.

панорамен | прид.

Што има својство на панорама. Панорамен поглед.

пансион | м.

Воспитна установа, дом каде што се сместуваат и се хранат ученици, студенти и др. под постојан надзор на воспитувачи или лица што пружаат нега. Се отвори пансион за децата од оддалечените места.

пансионат | м.