поза | ж.

Положба, држење на телото. Таа се сликаше во иста поза. Имаше слики од него во најразлични пози. Комична поза. Предизвикувачка поза.

позабава | несв.

позабави | св.

Направи нешто да се одвива малку побавно. Тој позабави пред нејзината куќа. На ридот тие го позабавија чекорот.

позаблажи | св.

Направи нешто да има уште малку поблаг вкус. Таа ми го позаблажи кафето.

позаболи | св.

Стане болен, заболи, се поболи. Илјадници луѓе позаболеа од жолтица. Тој позаболе од некаква неоткриена болест.

позабрза | св.

Забрза малку или уште малку повеќе. Таа позабрза по ходникот.

позавиди | св.

Почувствува завист кон некого или кон нешто. Одеше така гордо да ѝ позавидат сите. Таа им позавиде на убавата куќа и на парите. Тој му позавиде на среќата.

позавитка | св.

Завитка нешто малку подобро, малку повеќе.

позавлегува | несв.

позавлезе | св.

Завлезе малку повеќе; Таа позавлезе во реката, но брзината ја носеше удолу. Кога ќе позавлезат во пештерата, ќе ги сетат сите убавини што ги има таму.