псалм | м.
Песни на Старозаветната црква, врвен излив на религиозните чувства. Давидови псалми.
псалтика | ж.
Книга со црковни песни и ноти
псалтир | м.
(црков.) Свештена богослужбена книга во која се собрани псалмите од Библијата.
псевдо- | претс.
Како прв дел од сложени зборови со значење: лажен, наводен: псевдоисториски, псевдонаучен, псевдоуметнички, псевдоуметност, псевдокласицизам и др.
псевдоним | м.
Измислено или лажно име, особено на автор од литературата или од ликовната уметност. Пишува под псевдоним.
псевдонимен | прид.
Напишан или што пишува под псевдоним.
психа | ж.
Душа, дух. Психата на малограѓанинот. Детска психа.
психијатар | м.
Специјалист по психијатрија.
психијатрија | ж.
Дел од медицинската наука што се занимава со проучување и лечење на душевните заболувања.
психички | прид.
Што се однесува на психата, душевен, ментален. Психичко нарушување. Психичко малтретирање. Психички растројства.
