Резултати за пребарувањето: ар
гепард | м.
Вид диво животно со дамки по телото, со високи нозе и со мала глава, познато како најбрзо, од фамилијата мачки, распространето во Африка и во Југозападна Азија; Acimonyx jubatus.
карван | м.
Колона од животни (коњи, камили и сл.) за превоз на стока и луѓе. Тука сретнаа карван од десетина маски и коњи.
сенкар | м.
Мрзливец, човек што седи под сенка; безработник. На клупите во паркот едно чудо сенкари испоседнале. Ни требаат работници, а не сенкари.
јантар | м.
Скаменета смола од прастари иглолисни дрва, обично проѕирна, со боја од бледожолта до темноцрвена, од која се изработува накит, делови од медицински инструменти и сл.; Прстен со јантар.
крушар | м.
Тој што продава круши.
кравар | м.
Тој што одгледува, што чува крави. Секоја вечер краварот ги молзеше кравите.
сепаре | ср.
Посебно изделен дел од просторија или засебна просторија обично во угостителски објект за посебна намена, посебно друштво што сака да биде изделено од другите.
седлар | м.
Мајстор што изработува седла; сарач.
нарипа | св.
Се нафрли на некого, нагло нападне. Нарипаа од сите страни да го фатат.
свињар | м.
Лице што пасе или што одгледува свињи.
