Резултати за пребарувањето: ар
кутар | прид.
Што е за жалење, сиромав, несреќен; сирот. О, кутра јас! Кутри затвореници. Кутро дете. За спомен на две кутри души!
гарда | ж.
Лична стража, одбрани војници што го чуваат претседателот на државата, кралот и сл. Кралска гарда. Почесна гарда.
карпа | ж.
Голема камена маса што се издига над површината. Тој ја набљудуваше како се спушта од карпите. Над силната река беа надвиснати карпи. Подводни карпи.
долар | м.
Парична единица во САД, Канада и др. земји. Кога дошле тука, со по некој долар, за првпат во животот виделе филм.
карта 2 | ж.
Плоскат дрвен сад во форма на матарка во кој се служи вино, се кани на свадба и сл. На средсело пак се сретнаа и ги изменија картите со вино и шишињата со ракија.
фарма | ж.
Земјиштен посед, заедно со објектите на него, на кој се одгледуваат земјоделски култури или стока и живина. Живинарска фарма. Сточарска фарма.
карст | м.
Варовит предел, испресечен со вдлабнатини, пештери и сл., вдлабнатини настанати под дејство на атмосферски води. Местото беше опкружено со карст.
карта 1 | ж.
а) Цртеж на Земјината површина, на одделни нејзини делови или на други небески тела; мапа. Карта на светот. Географска карта. Астрономска карта. б) Цртеж со специфични податоци што служат за определени научни истражувања, за определени потреби. Ботаничка карта. Политичка карта. Железничка карта.
купар | м.
Длабок сад за течност.
ќенар | м.
Раб, ѕид од камен со кои е обѕидан патот да не се руши.
