хумка | ж.

ценач | м.

Лице што оценува, проценува вредност на нешто; проценител. Ценачи на жетвата.

цуцка | ж.

Пувка (на птица). Птица со цуцка.

хамер | м.

Посебен вид хартија за цртање. Бел хамер. Хамер во боја. На ѕидовите во училницата висеа хамери со исечени сликички и со текстови во краснопис.

наказ | м.

Казна – во изразите: наказ божји, наказ од бога.

фурда | ж.

Ситни отпадоци од нешто. Го наполни до врв теленото решето и фати да ја сее тутуновата фурда.

најде | св.

Барајќи, дојде повторно до нешто загубено, или случајно открие нешто. По два дена си ги најде клучовите во дворот. Им направија претрес во куќата, ама ништо не најдоа. Меѓу зафрлените работи на таванот најде стар ракопис.

ката- | претс.

Како прв дел од сложенки означува дека нешто се повторува во временско растојание означено со вториот дел од сложенката; со значење секој: катаутро, катаноќ, катагодина, катапразник.

фреза | ж.

Машина со ротирачки запченици за режење, обработка на метал, дрво и др.; струг.

накај | предл.

Пространствено значење – насока на глаголското дејство. Одејќи накај Вардар се сретнавме со новиот директор. Тајниот излез води накај катакомбите.