шишка ¹ | ж.

Мали, зелени шишки на дрвото.

џибра | ж.

Комина, комиње. Џибрата ја извади, остана само виното.

здива | несв.

Силно, забрзано дише/диши.

џивка | несв.

За врапче – испушта глас џив-џив, цвркоти. Врапчињата џивкаа.

жнеар | м.

диета | ж.

Посебен режим на исхрана, сообразен со состојбата на организмот, што се состои во умереност или откажување од определени продукти (обично од масти) во исхраната. Строга диета. Диета за болниот препорачана од лекар.

џиџан | прид.

Во детскиот јазик – убав, дотеран.

гаваз | м.

Личен стражар на лице на повисока позиција, обично дипломат. Дојде бегот со двајца гавази за да го заплашува народот.

гавез | ж.

Лековито растение со исправено влакнесто стебло и црвено-виолетови, бели или жолтеникави цветови што се користи за лекување воспалени рани и др.; Symhytum officinale.

мрежа | ж.

Предмет од вкрстени нишки, конец, жица и сл., обично исплетен на еднакви окца. Плете мрежа. а) Направа од цврст конец која служи за ловење (риби, птици, дивеч, пеперутки и др.). Рибарска мрежа. Мрежа против комарци. Ѕверот се фати во мрежата. Мрежите се наполнија со најразлични птици. б) (спорт.) Преграда која ги разделува двете половини од просторот за играње; завеса на голот што ја задржува топката. Топката ја затресе мрежата. в) Замка од нитки на пајажина со чија помош пајакот го лови пленот. Пајакова мрежа. г) Назив за други разни предмети направени на таков начин. Мрежа за спиење. Престана да спие во мрежата. Носеше мрежа со нешто завиткано во неа. Во рацете носи мрежа со леб. Ја пресече телената мрежа и влезе во дворот. Косата ѝ беше собрана во свилена мрежа.