примат ¹ | м.

Првенство, прво место по ранг, првенствено значење. Романот во последниве децении упорно настојува да го добие приматот во нашата литература. Ваквата ориентација му го врати приматот на фестивалот како најдобра музичка манифестација.

прашок | м.

Многу ситни честички од некоја тврда материја во облик на прав. Прашок за перење. Прашок за печиво. Купи лек во прашок. Ја запраши почвата со прашоци.

прашти | св.

(обично со заменската форма ‒ ја) Избега. Уште во темни зори ја прашти.

зажние | св.

Почне да жние. Селаните го зажнија житото.

зажмие | св.

збирка | ж.

Збир на повеќе предмети, нешта од ист вид што обично имаат некаква вредност. Збирка раскази. Поетска збирка. Филателистичка збирка. Збирка од уметнички слики. Ова издание претставува збирка од неговите најуспешни остварувања.

заличи | св.

Почне да личи на нешто или на некого, да изгледа како нешто или како некого. Ќе ти направам нов костум да заличиш на човек. Гласот на командантот заличи на татнеж.

зажили | св.

Почне да жили; Младите садници брзо зажилија.

канабе | ср.

Вид диван за седење и лежење, софа. Го канеше да седне на едно кожено канабе што веројатно го користеше и како легло.

прачка | ж.

Тенка гранка исчистена од ситните гранчиња и од лисјето. Во раката држеше прачка. Плотот беше направен од лескови прачки.