засади | св.
Почне да сади. Го засадивме кромидот вчера, до утре ќе бидеме готови.
засак | м.
Неможност за мокрење.
засака | св.
Заљуби некого од спротивниот пол. Тој ја засака неа уште на првата средба.
засали | св.
Стави сало, приготви со сало. Јадењето го засали.
засаска | св.
Почне да саска. Тој засаска како змија.
засачи се | св.
Не може да мокри. Од многу терање коњот се засачи.
засвати се | св.
Стане сват со некого, се ороди (со мажење или со женење). Тој се засвати со чорбаџијата.
засведочи | св.
Потврди нешто со сведоштво, увери некого во нешто со тврдење и со докази. Во книгата се засведочени голем број месни имиња. Сакаше да му ја засведочи на генералот својата почит.
засвети | св.
Почне да свети, да дава светлина. Сонцето силно засвети. Ламбата му засвети во очите.
засветка | св.
Почне да светка. Надвор засветкаа молскавици. Очите му засветкаа од солзи.
