засмешка се | св.
Почне да се смешка. Кога ја виде, тој се засмешка.
засмоли | св.
Измачка, натопи со смола. Тој ја засмоли колибата однадвор.
засмрди | св.
Почне да смрди. Однекаде засмрди на чад.
заснежен | прид.
Што е покриен со снег. Заснежени полиња.
заснежи | св.
Почне да снежи, да врне снег. Надвор заснежи.
заснован | прид.
Што е поставен, што се темели врз факти, врз докази. Засновано тврдење.
заснове 1 | св.
Постави (мислење, тврдење, план за нешто) врз определена основа, врз докази, факти и сл.; Весникот го засновал своето тврдење врз потврдени факти.
заснове 2 | св.
Почне да снове. Таа ја заснова белата преѓа.
засобира | св.
Почне да собира. Децата ги засобираа испаѓаните круши. Тој ги засобира овците во трлото.
засолзи | св.
Почне да солзи. Очите ми засолзија од чадот.
