измеле | св.
Сомеле сето количество; сомеле. Утре ќе го измелеме преостанатиот сусам.
измелези се | св.
Стане мелез, измени првобитни својства, обично на полошо. Семето се измелезило и не е за сеидба.
измена | ж.
Поминување на една состојба во друга или на еден облик во друг, преобразба, промена. Нема никаква измена во нивниот начин на живот. Измена на Законот за пензиско осигурување. Некои решенија се донесени без никаква измена. Измените на текстот ги одобри редакцијата на списанието.
измени | св.
Направи да биде поинаков. Тие го изменија распоредот на мебелот во дневната соба. Професорот го измени ланскиот распоред на часови. Втората светска војна ја измени политичката карта на светот.
изменлив | прид.
Што може да се менува, што е подложен на промена.
измери | св.
Изврши мерење на нешто, установи со определена мера, определена димензија на нешто. Воденичарот го измери житото на кантар. Муштеријата со чекори ја измери и должината и ширината на нивата. Трговецот измери пет кила грав.
измерлив | прид.
Што може да се измери. Измерливи вредности.
измеси | св.
Со месење обработи тесто, тестен производ. Фурнаџијата убаво го измеси лебот и го стави да се пече.
изместен | прид.
Што не е на своето место. Изместена линија. Изместен зглоб. Изместена фиока.
измести | св.
Премести, помести од неговото постојано место. Малку го изместивме креветот да не биде до ѕидот. Мајсторите ги изместиле ќерамидите поправајќи го оџакот.
