изнавади 2 | св.
Полее доволно или сè со ред; Добро ја изнавади бавчата.
изнавари | св.
Навари многу, во голема количина. Изнавари ракија и за себе и за на пазар. Изнаварија манџи за свадбарите.
изнавезе | св.
Навезе многу, во доволна количина. Изнавезе чаршафи и пернички за ќерките за чеиз.
изнавика | св.
Викне, покани во голем број; Изнавика гости за свадбата на синот.
изнавитка | св.
Навитка, намота многу, во голема мера, целосно. Ја изнавитка косата на виклери. Изнавитка еден голем појас околу половината.
изнавози | св.
Навози, надонесе со возење многу, доволно, во голема количина. Денеска изнавозија снопови од нивата до гумното, утре ќе жнеат.
изнавреди | св.
Навреди многу, во голема мера некого или многумина. Пијаниот ги изнавреди присутните.
изнаврне | св.
Наврне многу, обилно, во голема количина. Изнаврна доста оваа недела.
изнагази | св.
Нагази многу, натиска, настапка. Го изнагази добро грозјето.
изнагали | св.
Гали, милува многу, во голема мера. Ги изнагали внучињата.
