изнакубе | св.
Искубе многу, во голема количина. Изнакуба трева и им фрли на кокошките да колваат.
изнакупи | св.
Накупи многу работи одеднаш, купи нешто во голема количина. Изнакупи играчки за сите деца.
изналапа се | св.
Се налапа многу, обилно.
изналегне | св.
Легне да спие сè од ред, сите до еден. Изналегнаа на рогозината да спијат.
изналежи се | св.
Се належи многу, доволно; Се изналежавме денес под сенките крај реката.
изналепи | св.
Излепи, налепи во голема количина, сè што е за лепење. Ги изналепија тапетите за еден ден. Момчињата ги изналепија плакатите на нашиот кандидат.
изналета се | св.
Се налета многу, доволно, до задоволување. Гулабите се изналетаа денес, цел ден се пуштени.
изналути се | св.
Се налути многу некому. Се изналутија еден на друг. Тој се изналути што не го викнале порано.
изнамава | св.
Измава, натепа некого, многу. Тој ги изнамава децата оти ја скршиле стомната.
изнамачи | св.
Намачи некого многу да прави нешто. Ги изнамачија децата, по цел ден нижеа тутун. Последниот роман го изнамачи.
