изниша | св.
Ниша многу, доволно. Го изниша детето на нишалката врзана за крушата во дворот.
изноктен | прид.
Што е тукушто изработено, со крајни напори, со голем труд. Нова изноктена облека.
изнокти | св.
Направи со крајни напори, со голем труд. Едвај изнокти пари да го врати долгот.
износ | м.
Количина на финансиски средства, сума пари. На кој износ да го напишеме чекот? Наградата беше во износ од 100.000 денари.
износен | прид.
Што не е повеќе за носење, дотраен од носење. Износено палто. Износена блуза. Износени чевли.
износи | св.
Изветви облека или обувки со носење, употреба до крај. Износи едно рало чевли од зетот.
износок | м.
Мало деформирано јајце, кое, според народното верување, претскажува несреќа.
изнуди | св.
Постигне нешто со сила, под притисок. Грабнувачите на авионот изнудија гориво од аеродромските власти.
изнудувач | м.
Тој што изнудува.
изобеси | св.
Обеси сè што било за бесење. Ги изобеси низалките тутун да се сушат.
