класира | св. и несв.

Распредели, распределува по класи според определен критериум. Неговите ликови ги класираме во две групи. Производите ги класираа според нивниот квалитет.

класификација | ж.

Распределување на предмети, појави и поими по класи, групи според определени критериуми (според својствата, степенот на вредност и сл.). Во славистичката наука има повеќе обиди за класификација на книжевните споменици. Еден принцип е таканаречената ботаничка класификација, според која плевелите се групирани во класи, редови, фамилии итн.

класификационен | прид.

Што се однесува на класификација; класификациски. Класификациони групи. Класификациона постапка.

класификува | св. и несв.

Распредели, распределува нешто во класи, групи според определени својства, степен на вредност и сл. Нашите производи тој ги класификува како производи од трета класа. Тие ги класификуваа натпреварувачите според нивните постигнати резултати.

класифицира | св. и несв.

класица | ж.

класицизам | м.

Правец во литературата и уметноста што се јавува во 17 и 18 век и се карактеризира со враќање кон традиционалните облици на грчко-римската уметност.

класицист | м.

Претставник на класицизмот во книжевноста и уметноста.

класицистички | прид.

Што припаѓа, што е во духот на класицизмот.

класичар | м.

Проучувач на класичните јазици и култури.