корида | ж.
Борба со бикови пред публика во Шпанија и во некои земји на Јужна Америка.
коридор | м.
Ходник што спојува некои делови на куќа или зграда. Болнички коридор. Училишни коридори.
корија | ж.
Шума со високи дрвја, гора. Собира печурки во коријата над селото. Пресекоа дрво од коријата.
коријандер | м.
Едногодишна ароматична билка со округли плодови во вид на зрнца, се користи како зачин; Coriandrum sativum L.
корил | м.
Дел од народна носија, јака. Везен корил.
коринка | ж.
Ги топи сувите коринки во врела вода.
Коринт | м.
Антички град-држава; град во денешна Грција.
корисен | прид.
Што носи некаква корист, што носи некаква добивка; штетен.
корисник | м.
Тој што има корист од нешто, тој што употребува, што користи нешто. Тој е корисник на банкарските услуги. Корисниците на овој компјутер имаат големи можности. Корисник на пензија.
корист | ж.
Поволна последица, поволен резултат. Имаше голема корист од училиштето.
