манометар | м.
Направа за мерење на притисокот на течни или гасовити тела во затворен простор.
маноса се | св.
Кај растенијата ‒ фати мана, болест. Сите цвеќиња ми се маносаа.
мансарда | ж.
Просторија или мал стан под покривот; таванска просторија.
мансарден | прид.
Што се однесува на мансарда. Мансарден простор.
мантија | ж.
Свештенички долг фустан, обично со црна боја, што се облекува над друга облека.
мантил | м.
Капут од потенок, полесен материјал, за пролет и есен.
мануелен | прид.
Што се работи со раце, што работи физички. Мануелна работа. Мануелен работник.
мануелец | м.
Мануелен, физички работник.
манускрипт | м.
Рачно напишана книга, ракопис.
мануфактура | ж.
Поголема работилница заснована на рачно производство и внатрешна поделба на трудот.
