метар | м.
Основна единица за мерење должина еднаква на 100 сантиметри.
метастаза | ж.
Вторично жариште на болеста, обично рак, што настанува со раширување на болните клетки преку лимфните и крвоносните садови. Ракот направи метастази и по 'рбетниот столб.
метастазира | св. и несв.
Шири, рашири болест, обично рак; направи, прави метастази. Болеста метастазираше и на другите стомачни органи.
метатеза | ж.
Преместување на гласови во зборот – грозје : гројзе, Дојран : Дорјан.
метафизика | ж.
(филоз.) Идеалистичка филозофија што ги проучува основните принципи на сè што постои, односно појавите што се надвор од искуството, надвор од просторот и од времето, и тоа како вечни и непроменливи; дијалектика.
метафора | ж.
Јазично изразно средство на пренесување кога со називот на еден предмет или поим се именува друг поради сличност по некое обележје; воопшто, пренесено, сликовито изразување на некој поим. Челична волја. Камена душа.
метафорика | ж.
Употреба на метафори во изразувањето. Авторот се одликува со богата метафорика во пишувањето.
метафоричен | прид.
Што има карактер на метафора, што содржи метафора или што е искажан со метафора; преносен, сликовит. Во оваа песна зборовите имаат метафорично значење.
метач | м.
Тој што мете; чистач.
мете | несв.
Чисти со метла. Жената го метеше дворот.
