билкар | м.

Собирач и трговец на билки. Билкари се движеа по планините.

билкарство | ср.

Професионална дејност на билкар. Се занимава со билкарство. Фабриката го разви билкарството во нашата земја.

билмез | м.

Глупак, незнајко. Голем билмез. Го чувте ли овој билмез?

било | ср.

Планински гребен. Се качува по билото над селото. Летото го поминав по скрките и билата.

било-било | сврз.

За поврзување зборови или реченици приредени меѓу себе; повторен разделен сврзник, како алтернатива; Било таа не пуштала, било тој се лутел.

билтен | м.

Официјален извештај за некоја актуелна состојба што е во интерес на јавноста. Билтен посветен на јазични прашања. Читаше билтен за борбата.

билјард | м.

(само едн.) Вид игра со топчиња од слонова коска и со долг стап (так) што се игра врз специјална маса. Играа билјард. Девојката беше прочуена по билјардот.

билјарка | ж.

Таа што собира и продава билје, треварка. Излегла мома билјарка в ливада билје да бере. Песна на билјарките.

билјарство | ср.

билје | ср.

Општ назив за билки, тревки. Ситно билје. Свежо билје. Суво билје.