овај | зам.
овал | м.
Јајчест, елипсовиден лик или форма на нешто. Овал на лицето.
овален | прид.
Што има форма на јајце, што е јајчест, елипсовиден. Овална маса. Овална форма.
ова-она | зам.
Разни нешта, неопределено што. Купив ова-она и ги потрошив парите.
оварда | прид.
Што е широкодушен, дарежлив, услужлив, љубезен. Оварда човек.
овардалак | м.
Широкодушност, дарежливост, услужливост, љубезност. Неговиот овардалак немаше граници.
овација | ж.
Воодушевено и долготрајно одобрување, поздравување или искажување почит спрема некого, придружено со ракоплескање. Тој беше пречекан со овации. Нејзиното појавување предизвика овации во салата.
овде | прил.
На ова место, тука, ваму; спрот: таму. Таа беше овде пред малку. Колку е убаво овде! Ела овде! Гледај овде! Овдека ќе те чекам.
овде-онде | прил.
И овде и таму, на некои места, понекаде. Овде-онде сѐ уште имаше снег. Овде-онде се забележуваа лозови насади.
овдешен | прид.
Што е одовде, од ова место. Овдешен човек. Овдешно вино.
