брза | несв.
Настојува да изврши некакво дејство за што покусо време. Таа брзаше да ги нахрани свињите.
брзак | м.
Место на река, на поток каде што водата тече брзо. Рибарите се веќе излезени кај брзаците, со завртени ногавици.
брзаница | ж.
Дејство што се одвива со голема брзина, со брзина поголема од вообичаеното, со брзање, со итање. Со брзаница се врати. Во брзаницата пукнав, па не знам дали го погодив.
брзга | несв.
Прска, брзо тече во кратки струи. Водата брзга на сите страни. Од вената брзгаше крв.
брзина | ж.
Степен на остварување на дадено дејство во однос на изминатото време. Брзина на пишување. Брзина на решавање задача.
брзиномер | м.
Направа за мерење брзина. Брзиномерот во колата не ми работи.
брзне | св.
Протече кратко и брзо, прсне. Од устата му брзна крв.
брзозборка | ж.
Детска песна што се кажува брзо. Меѓу највеселите детски стихови спаѓаат брзозборките.
брзометен | прид.
Што стрела, пука брзо. Брзометен топ.
брзоног | прид.
Што е со брзи нозе, што трча брзо. Брзоног елен. Трчал брзоног зајак низ цветни ливади.
