брчне | св.
Забрчи малку, кратко. Мува да брчнеше, ќе се слушнеше.
бршлен | м.
Зимзелено растение со долги гранки што се јази по цврста потпора; Hedera hilix. Од предната страна нашата куќа беше обрастена со бршлен.
бршленов | прид.
Што е од бршлен. Бршленов венец.
бу | изв.
Извик со кој се плаши некој. Одеднаш излезе едно дете што се криеше зад дрвото и викна силно бу!
буба | несв.
Учи механички, напамет. По малку делува изгубено, како студент што многу буба.
буба | ж.
Инсект воопшто. И в трева еве малечкава буба / со крилцата плете невидливи ора.
бубалка | ж.
Инсект. Ако нема бубалки, ќе изумрат птиците.
бубамара | ж.
Инсект тврдокрилец со црвена или жолта боја и со црни дамки; Coccinella septempunctata. Лет, лет бубамаро/ донеси ми гости.
бубар | м.
Одгледувач на свилена буба.
бубарство | ср.
Одгледување на свилени буби за добивање на свила.
