пумпен | прид.
Што се однесува на пумпа.
Пун | м.
Име со кое Старите Римјани ги нарекувале Картагинците.
пункт | м.
Важна точка, место, момент во некоја сфера на дејност, на дејствување што означува некаков пресврт. Пункт околу кој може да се отфрлат сите делби и недоразбирања. Тоа е важен пункт во животот на славниот писател.
пунктира | несв.
Испишува линија со точки или со цртички.
пунктуација | ж.
Систем од правила за употребата на интерпункциските знаци.
пункција | ж.
Убод во телесна шуплина или орган со шуплива игла заради извлекување материјал за утврдување на патолошки промени или испуштање на собрана течност.
пунч | м.
Топол алкохолен напиток подготвен од пет состојки (обично: рум, вино, чај, сок од лимон, шеќер).
пунџа | ж.
Женска фризура со подигање на косата на темето или на тилот.
пупа | несв.
За пупунец ‒ оддава глас налик на пуп‒пуп.
пупале | ср.
Вид на малечко обредно лепче; пупка.
