разузнавач | м.

Лице што се занимава професионално со разузнавање, што работи во служба за разузнавање. Владините разузнавачи први ја пренесоа информацијата.

разузнавачки | прид.

Што се однесува на разузнавач и на разузнавање. Разузнавачки методи. Разузнавачка служба.

разузнае | св.

Сфати, разбере, распознае, осознае, препознае предмети и појави. Децата може да ги разузнаат родителите по првите два месеца. Откако се освестив, јас прво ја разузнав мајка ми.

разукраси | св.

Отстрани украсни предмети, раскити нешто накитено. Неколку дена по празникот ја разукраси куќата.

разулавен | прид.

Што е поулавен, безумен, избезумен, збеснат. Разулавена жена. Разулавени деца. Разулавен коњ. Разулавен кикот.

разулави | св.

Поулави, доведе некого во состојба на улав, налути некого, направи некој да се однесува како улав. Нејзиното присуство ги разулави децата. Не е првпат да ја разулави мајка си.

разум | м.

Способност на човекот за мислење, размислување, создавање ставови, логички судови, заклучоци; ум, памет. Само со разумот може да се донесе добар заклучок. Човекот користи само дел од својот разум. Разумот му работеше со голема брзина. Разумот не му работи. Да имаше разум, нема да се појавеше пред нас. Здрав разум. Болен разум. Досетлив разум.

разумен | прид.

Што има разум, што има моќ да го користи разумот. Разумно суштество.

разуми | св.

разурива | несв.