распишти се | св.

Почне силно да пишти, да вреска, да писка. Сирените се распиштиле. Децата се распиштија. Ветрот се распиштил.

распиштоли се | св.

Се распушти, се раскомоти, се опушти премногу. Децата се распиштолиле низ собата. Момчињата се распиштолија по селото.

расплакан | прид.

Глаголска придавка од расплака.

расплакува | несв.

распламени се | св.

Вивне во пламен. Огнот се распламени.

распламти | св.

Направи нешто да почне силно да гори; разгори, распали. Ветрот го распламти огнот. Тој со малку нафта го распламти огнот во печката.

расплапоти се | св.

(разг.) Почне да зборува многу, да брбори, да дрдори, раздрдори; плапоти. Група девојчиња се расплапотиле под прозорецот.

распласка се | св.

Почне да пласка зачестено, засилено, да удира произведувајќи специфичен звук. Таа се распласкала со рацете. Птицата се распласка со крилјата. Детето се распласкало со устата.

расплата | ж.

Пресметка, одмазда, расчистување сметки и долгови од различен вид. Еден ден ќе дојде времето за расплата.

расплати се | св.

Плати парични сметки, исплати, се ослободи од долг, заем и сл. По една година тој се расплати и никому веќе не должеше. Тие се расплатија и секој тргна по својот пат.